Success story of Deepak Kapoor(SSS CGL 104 Rank)

Hello friends

We are sharing with you success story of Deepak Kapoor

Bade bhaion and doston ki special demand thi and jaise ki kuch mahine pehle promise kia tha here comes my story.

Phle Baat krte hain school time ki ghar ka bada beta hone k karan hmesha se hi perform krne k pressure m rehta tha, halanki mere family wale kabi danda nhi karte the ki number laa, perform kar ya esa kuch but khud hi mann m rhta tha ki bdia score karna hai, class m bdia rank p rhna hai, Dosto se barabar ya jyada marks hi lane hain.
Isi k chalte 1oth Class m pahuch gae jaha mene 9o% lie, ab mere samne do raste the Ya doctor banu ya Engineer, khub socha ki kya karu and fir finaly decision lia ki doctor banege and medical lene ka mann bana lia, Papa ko btaya to vo kafi khush hue but meri maa ne mujhe kaha ki medical lo, lekin maths k saath taki dono raste khule rhe hain, Dr ya Er kuch bhi ban pao. ye baat hum sabko kafi bdia lagi and isi p amal karte hue mene medical with maths k sath 11 class start ki.
But Destiny cheez hi esi hai ki jo likha hota hai vo karwa k hi chodti hai. approx 1 mhine m jee bhar gya Bio se and gharwalo k support k sath bio chod k physical li and ab Er ban ne k lie sath sath IIT ki tayyari start ki. Dekhte hi Dekhte 2 saal beet gae and 12th m 87 and IIT k extended list m 1452 rank and AIEEE me kuch 7ooo k around rank thi.
AB fir se do raste ya to top k college lo and ghar se dur jao ya averge college le k ghar k pass raho, family k sath raho, fir se maa ne bht aham bhumika nibhai yaha, unhone kha ki family hmesha saath rhti hai abhi career banane ka samay hai, to mujhe IT BHU jane ki salah di, lekin unki tbiyat theek nhi rehti thi isi k chalte mne apni city m hi college lene ka decission lia.

Ab college life m enter hone se phle soch lia tha ki bht padh lia, ab ainsh katuga, dunia nachauga or ghuste hi college m haramipana start, lecturers ki naak m dum, full mauj, Class m bakchodi ka limitless plan, papero m ro dho k pass hona[but supli nhi ane di 1 bhi], dhere 1st semester mai setting b hogae <3, fir college k 3 sal kat gae mauj muauj m hi, ab final year ate tak pata laga ki engineer ki koi aukat nhi hai, Bht mushkil se job lagti hain aur package 3.5 – 4 lakh ka. Ab bahara jane ka plan banaya ki GRE mai bdia score krk videsh se MS krege. bas ab GRE ki tayyari start hogae, Maa ki tbiyat b bht theek ho gae thi to ab esa lagta tha ki 2 sall ki MS 1.5 saal m krk vapas desh ajauga, package b set and future b set. dekhte hi dekhte GRE ka paper b ho gya and 321 score aya mera, jinhe GRE k bare m idea hoga unhe pta hoga ki GRE 321 pe top universities m admission ho jata hai.
But Destiny cheez hi esi hai ki jo likha hota hai vo karwa k hi chodti hai, achanak 1 din meri maa ki tabiyat bigdi and kuch hi ghanto m vo humse bht door chali gaen. esa laga ki mano sab khatam, musibto ka pahad tut pada, maa k bina jiwan narak k saman hota hai, but honi ko kon tal skta hai, dheere dheere is sach ko b apnaya.
ab fir 2 raste the, ya to parivar ko esi halat m chod k videsh jau, ya jis company m placement hua h vo join karu. Hamesha ki tarah mene family ko hi chuna and MS ka scene cancel kardia. but ye soch lia ki zindagi bhar Er ban k private m dhake nhi khane. Ab Raste and manzil dono hi dhundne the, isi doran meri friend ki sister ka BF Income tax Inspector bana[mumbai m posted, Delhi k rhne wale], ye sun k mujhe laga ki ye job to sun ne m bht jabardast lagti pata kia apni friend se to usne btaya ki koi SSC ka exam hota h us se lgte hain. mne apni friend se req ki us se puch le ki kya m unhe call krk details puch skte hu, to meri friend ne message kia unhe and us msg ka reply aaj bi yaad hai “M an officer m esi kisi b ere gere stupid person se baat vaat nhi karta, mana krde use and don’t give him my number” bht hi ajeeb laga mujhe.
Ab manzil dikhne lagi thi ITI ban na hai, rasta dhundne k lie papa se pucha to unhone sara system sajhaya, ab manzil and rasta dono the ab inspiration [driving force] ki zarurat thi, vo b mere family wale hi bane sabhi govt job m hain. ab hogya tayyari ka silsila start, pre k lie prep start, din m 9 hours job and raat ko padhai, bhai sahab ye karna sirf sun ne m hi easy lagta hai, bhagwan hi janta h ki isk lie kitni himmat and hosla chaie hota hai.
Dekhte hi dekhte pre dia adn pre ka result aya to 13o marks bana mere, bht nirasha hui ki itni mehnat ki and marks sirf 13o[18oo k around rank] isme to kuch bdia milne k chances kam hain, ab papa ne mains k lie kaha ki bhai tu job se chutti lele next month and padhai kar, tujhme potential hai tu bht accha kar skta hai, constatnly unhone mujhe motivate kia and unki motivation and maa k ashirwad se mains m acha perform kia mne maths mai 197.5 and Eng m 165 aye jisk saath mera total 492.5 hogya [118 rank], ab ye to tha ki theek thak job lag jaegi but hometown [Delhi Gurgaon] k lie interview m b accha karna hoga. ITI ban ne k sapna sach hota dikh raha tha but Destiny ne fir darwaza khatkhatya and vo hi karwaya jo vo karwana chahti thi, kahi se kisi RTI ki photo mili and usme pata laga ki ITI delhi ki sirf 11 seats thi[general cat k lie], dil sa tut gya, ab fir do raste ITI le k family se dur jao ya Excise le k Delhi raho family k pass, hmesah ki tarah parivar ko chuna and Excise top preference di, interview ki prep k lie mukherjee nagar se 7 din ki coaching li, gurgaon se updown karne m hi halat kharab rhti thi but jaise taise vo b kia and interview de k aya, bht accha hua interview kafi acche marks expect kar raha tha but expectations se kam marks mile 6o marks mile mujhe and mera total 552.5 bana and AIR 1o4 kafi khush hua gharwale b kafi khush hue, aap sab logo k ashirwad and duaon se hum bhi sarakri naukar ban gae. bht dhanyawad h is group ka jisne itne acche logo se baat krne ka mauka dia and kuch behtrin dost b milae.

Bachpan m Fancy Dree m wardi phne wala aaj asliyat m wardi pehen gya (:

Is post k ant mai 1 cheez kahuga ap sabke lie, insan ko kabhi ghamand nhi karna chaie, cheezo se kam aur insaniyat se jyada prem hona chaie. Parivar ka saath kabhi mat chodo kyuki jab sab apka saath chod chuke honge tab bhi parivar apke sath rhega, mehnat and bhagwan m bht vishwas rakho vo is vishw ko chalate hain.
Baki kisi ko kuch b puchna ho mujhe nisandeh message karen call kro, m sadev aap logo ki sahayata k lie tatpar hu and rahuga.

Dhanyawad

Leave a Reply

Your email address will not be published.