SSC CGL 2015 Interview Experience Part 16

Ravi
3-3-2016
Northern Region (New Delhi)
Panel No. 4
B.A. (Public Administration, History, Economics).
Total 3members & all were Gentlemen.

Head – M1& M2, M3
me – may I come in sir
m1- aao aao, baitho
me- mene good afternoon bola aur baith gaya aur thankyou bola.
M1 – toh raviji aap apne padai ki dino ke doraan itne diverse rahe ho (as I have mentioned relay race, national science olympiad, scout e.t.c.) fir bhi aap desk job karna chahte hoo.
Me – mein answer chalu hi karne waala tha
itte mein unhone khud ne hi bola ki govt mein do tarah ke employee hote ek jo kam karte h aur dusre jo nahi karte fir bhi salary dono ko equal milti h, isko sahi karne ke liye suggestions do.
Me- sir yeh toh hume khud individually sochna padega
M1- koi nahi karta aisa, solution batao
Me – sir jo better work kare usse rewards both financial & promotional, aur jo nahi kare uske against action lena chaiye.
M1 – kaisa action
Me – yeh mein nahi bata paaya
M1- toh unhone khud hi mujhe bataya ki Uhone terminate nahi karna dena chaiye.
Me – mujhe info nahi thi iss bare mein toh mena kaha sir aisa bahut kam hote dekha h, lekin new govt ne steps liye h iss bare
M1 – he said rules h aise.
Me – sorry sir , mujhe knowledge nahi h iss barre mein.
M1 – toh aapne international math Olympiad mein part liya h, interest rakhte ho,
Me – nahi sir ab bahut time ho gaya h (12th tak hi padi thi).
M1 – Millionaire prize toh suna hoga
Me – sir nahi
M1- Million toh jaante ho
Me – yes sir
M1- usse se bana h, net use karte ho?
Me – yes sir
M1- toh aah jaake check karna
Me- I will check it surely sir.
now he asked m 2 to ask the question
M2- BIS suna h
me – yes sir
M2- full form batao
me – Bureau of Indian Standards.
M2- yeh jo fridge, ac pe star lage hue hote h, jaise 1,2,3 star e.t.c. kya matlab h inka
me – sir, stars electricity consumption ko indicate karte h, jitne jyada star hote h utna hi kam electricity consumption hota h.
M2- toh aapne economics pada (mene socha ab gayi naav paani mein).
me – yes sir.
M2 – indifference curve kya hota h.
Me – sorry sir ( phuch bhi micreconomy ka rahe h, jo first year mein pada tha).
M2 – perfect competition mein equilibrium ki do condition hoti h woh batao.
Me – Clean Bowled. ( aaj toh gaya)
M2 – yeh NEFT, RTGS kya h?
me – sir banking terms h
M2- kya hota h inse.
me – sir online money transfer, payment hota h.
M2- ok.
now he asked M3 to ask question.
M3 – toh cricket aapki hooby h, aapne kaha tak khela h, yaa fir sirf dekhte hi ho
me – sir khelta bhi huu, mostly gully cricket khela h, kabhi kabhi leagues mein bhi gaye h colony ki taraf se.
M3 – tendulkar ki kitti century h.
Me – 51 in test matches and 49 in odi , total 100.
M3- double century kitni h, odi mein.
me – one.
M3 – aur highest score
me – 200
M3 – exact 200 h
me – yes sir.
2-3 bar confirm kiya iss baat ko.
M3- sehwag ki kitni h double century
me – one.
M3 – sourav ganguly ki bhi toh ek h
me – nahi sir, 183 highest score h ganguly ka.
M3 – googly kya hoti h.
me – sir yeh ek leg spinner fekta h, jab woh leg spin naa daale aur batsman ko chakma dekar offspin daal de.
m1 ne beech mein hi interrupt karte hue bola, ek googly govt. offices mein bhi hoti h, uske baare mein pata h kya.
me – nahi sir.
m1 – jab kisi kam ko talna, naa karna yaa file ko bina pade sign kar de.
fir m1 muskra rahe they, toh mene bhi smile kar diya.
fir unhone bola ok, fir mein thankyou bolke bahar aa gaya.

Leave a Reply