Last 10 days Preparation Tips by Vivan Sharma Sir for SSC CGL Tier II

Advertisment
Helllo friends
Hope sabhi ki preparation achhi chal rahi hogi tier 2 ki. Jitni bhi preparation karni hai, 18 Oct tak kar Lena.
Uske baad 19-21 Oct, easy easy se 3-4 practice papers solve kar lena. Tough papers solve karne ka koi fayda nahi hai, Naya padhne ka bhi koi fayda nahi hai. Jitni mehnat karni thi utni ho chuki hogi ab tak. Agar last 3-4 din me score kam hone laga to fir confidence low ho jayega apne aap. Isliye easy easy se practice papers solve karna. Jisme score achha aaye.
Uske baad 22-24 Oct tak formulae, Kuch Grammar Rules, (especially Narration, Active Passive, verbs etc.) Aur Jo bhi aapko thoda important lage.

Last 2-3 din me free mind rehna, Paper ko jyada serious lene ki jaroorat nahi hai. Aksar jaldbazi aur hadbadahat me mistakes jyada hoti hai.
Pehle se soch kar mat Jana ki muzhe paper me 180 score karna hai ya 160 score karna hai vagerah vagerah. Paper ka level kuch bhi ho sakta hai. Agar paper tough hoga, to sabhi ke liye hoga. Easy hoga to sabhi ke liye.
Aksar Maine dekha hai, easy paper me silly mistakes jyada hoti hai, ek question galat hone par 2.5 marks ka loss hota hai maths me, agar jaldvazi me 4 questions galat ho gye, to 10 marks gye. 10 marks ka difference aapko abhi pta nahi chalega, but jab result aayega tab 0.25 marks tak ki value pta chalti hai. (calculation ke liye jyada space use karna, aksar choti SI jageh me calculation karne se galti ho hi jaati hai). Isliye Abhi se Choti choti mistakes ko avoid karna.
Baaki ab ke baad sirf aur sirf positive socho. Sab achha hi hoga. Sirf aapko tier 2 dena hai, ye samjho job to aapki done hai. 2015 me aapka selection koi nahi ROK sakta.
Paper se pehle mai ek inspiring post kar hi dunga, Bus confident raho. Sab achha hi hoga.
All the best future Officers.
-vivaan sharma “Vibhor”
Advertisment