SSC CGL 2014 Interview Experience Part 70

Hello Friends,

We are sharing with you interview experience of Varun Kaushik
Region – NR Venue – CGO Complex, New Delhi
Board – A Qualification – B.tech (CS)
Interview duration – 15 minutes

Hobbies – giving tuition in computer science, watching comedy tv serial, puzzle solving, reading motivating articles & short stories, internet surfing
Social work – one time fund donation in human care india trust
any other info – qualified ibps clerical in 2011, qualified GATE in 2011 and 2012, working in orphanage
———————————–
good afternoon mam (f), good after sir (chairman, m1), good after noon sir (m2)
m1 – aaiye mr. varun kumar, please have seat
me – thank you sir
m1 – sign the attendance sheet
me – signed
m1 – what is this human care india trust
me – sir yeh ek NGO hai jiska contact govt. hospitals se rehta hai, waha agar koi aisa serious patient aata hai jiski aarthik sthiti down hai or wo ilaaj nahi kara sakta, to human care trust uski financial help karta hai, iske liye wo randomly kayi phone numbers pe call karte hain or unse contribution dene ki request karte hain, mere paas bhi yeh ek random call aaya tha
m1 – to aapne paise kisse liye, aap to job karte nahi ho, kya aapne family se paise liye
me – no sir, mai tuition padhata hu, ye meri hobby hai, usi me se kuchh paise mai saving karta hu
m1 – aap kis tarah ki short stories padhte ho, kaha padhte ho
me – sir newspapers me aksar short stories aati hain jo readers unhe likh ke bhejte hain, or week me ek din wo publish hoti hain, kuchh sirf literature point of view se hoti hain, kuchh inspirational, kuchh motivational, or kuchh simply heart touching hoti hain
m1 – kis newspaper me padhte ho
me – dainik jagran
m1 – koi story yaad hai abhi
me – maine ek short story sunayi jisme darshaya gaya ki kaise apne bete ki shaadi hone ke baad ek budhi mahila ko uske bahu bete ne value dena band kar diya, or maine bataya ki maine iss kahani se kya seekha
m1 – “internet of think” suna hai
me – no sir, maine nahi suna
m1 – ok
f1 – tuition aapki hobby hai, to aap isse earning kyun karte ho,aap ise as a social work bhi to kar sakte ho
me – mam tuition ke badle tuition fee lena aam baat hai, agar mai aisa nahi karunga to students padhayi ke prati serious nahi honge, par isike sath sath mai tuition fee lene me bahot jor bhi nahi deta
f1 – to aap uss paise ka kya karte ho
me – jaisa ki mai abhi job nahi karta, to inn paiso se meri pocket money bani rehti hai, iska kuchh hissa mai social work ke liye karta hu or baaki competitive exams ke form bharne or study material lene me use hota hai
m2 – aapne b.tech kiya hai cs se, languages padhi hongi
me – yes
m2 – scitific purpose se kaun si language use hoti hai
me – pehle galti se maine keh diya cobol
f1 – wo to ab use hoti hai?
me – I am sorry, its prolog, prolog artifical intelligence me use hoti hai
f1 – pehle cobol kyun bola fir
me – mam, wo dono naam same se lagte hain, mai aksar confuse ho jaata hu
f1 – its ok
m2 – computer me storage ke liye kaun si device use hoti hai
me – hard disk
m2 – nahi types batao
me – mai samajh nahi paaya tha question, to mai khud se batane laga program execution ke liye RAM, or frequent access ke liye cache, one memory location to other ke liye registers, then I said, sir vaise mai aapka question nahi samajh paaya tha ki aap exactly kya jaanna chah rahe the
m2 – its ok, its enough, bus kya hoti hai
me – bus jiske jariye data ek location se dusri location pe jaata hai, ye kayi types ki hoti hain,
m2 – ise bus kyun kehte hain
me – sir naam hai ye bas, kyunki ye data ko travel karne ke liye hota, shayad isiliye iska naam bus ho
m1 – are bhai fir scooter rakh dete wo bhi to travelling ke liye use hota hai (hanste huye)
me – mai bhi frank hote hue, thodi si masti me, sir scooter me 2 hi passenger aate hain, bus rahegi to jyada data aayega na
sab hanse lage, par m2 shuruaat se bahot serious tha
m2 – bus hoti kya hai basically, koi device hai ya cable hai
me – yes sir, bus cable hoti hai, ek thick cable
m2 – thoda technically batao
me – sir 3 tarah ki bus hoti hai control bus, data bus, address bus,control bus se pehle establish hota hai ki destination device data lene ke liye ready hai ya nahi, then address bus se ye pata chalta hai ki kis address pe se data aa raha hai, aur…
m2 – ok..
f1 – networking kya hoti hai
me – mam jab 2 ya 2 se jyada computer ek dusre se connect ho or communicate kar sake to ye kaha jaayega ki ye computers network se jude hain
f1 – kaise connect hote hain ye
me – cable se bhi hote hain, wireless network se ya fir satellite se etc
f1 – cable se kaise hote hain
me – mai soch raha tha ki kuchh devices ke naam lu, par mujhe jyada nahi pata tha unke baare me, isliye mai ise topologies ki direction me le gaya.. mam cable layout kayi tarah ki hoti hain, unhe toplologies kehte hain jaise bus topology, ring topology, star topology, tree topology
f1 – star or tree me kya difference hai
me – star me ek server hota hai, or baaki saare computers as client computers server se directly connected hote hain, tree me ek se jyada server ho sakte hain, pehle ek server se kuchh client computers attached hote hain, fir ek client computer se or bhi cleint computers attach ho sakte hain, aise me fir wo clent apne sub clients ke liye server ban jaayega
f1 – intranet or extranet me diff batao
me – intranet kisi bhi office ka ya organisation ka personal network ho sakta hai, jaise iss cgo complex building ka bhi ek personal network hai, jise internet par koi bhi xyz public user access nahi kar sakta, or mujhe extranet nahi pata
f1 – www ki jarurt kyun padi
me – world wide web, pure world me kayi saare networks hote hain, par unn sabko aapas me bhi connect karna is www (mai khud nahi jaanta maine kya bol diya) mam bhi confuse si dikh rahi thi, wo satisfied nahi lagi
f1 – http or https me kya diff hai
me – maine https bhi likha dekha hai, par iska diff nahi pata
f1 – mam ne hint bhi diya, banking sites par https hota hai (s security ke liye hota hai, par mai unki hint nahi samjh paaya)
me – sorry mam, mujhe koi idea nahi hai iska
f1 – agar mai http://google.co.in likhu ya fir www.google.co.in likhu to ek hi website khulegi, par dono me kya different hua
me – sorry mam, mai nahi jaanta, mujhe to dono me koi difference nahi dikhta
m1 – aapne likha hai aap orphanage me work karte ho, kya hai ye orphanage
me – sir ye rajendra orphanage hai
m1 – kaha hai ye
me – east delhi me laxmi nagar ke paas pandav nagar me
m1 – or kya jaante ho iske baare me
me – sir iss orphanage ke incharge ye kehte hain ki ye ex-President dr. rajendra prasad ji ne banwaya tha, par iski koi website bhi nahi hai, isliye mai nahi jaan pata ki ye genuine hai bhi ya nahi, par maine personally waha gaya, or waha mujhe real me orphans dikhe, usme iss wakt 63 orphans hain (m1 sad ho gaya sun kar) jo chhatisgarh, mp, rajsthan, up se aaye huye hain, or kuchh to aise bhi hain jinke maa baap ki gareeb hain or disable hain or wo apne bachcho ki parwarish nahi kar sakte, wo bhi apne bachcho ko iss ashram me chhod jaate hain
m1 – puzzle solving, kis type ki puzzles
me – sir jo competitive exams ke reasoning subject me aate hain or kuchh random reasoning questions internet se
m1 – cube solve ki hai
me – mujhe laga sir exam me jo cube waale questions aate hain unki baat kar rahe hain, so I said, yes sir
m1 – kya naam hota hai cube ka
me – dice
m1 – confused look, kis cube ki baat kar rahe ho aap
me – sir jo competitive exams me aate hain, jisme ek cube ki alag alag angle se 2-3 images di hoti hain
m1 – are nahi, use bhul jaao, wo cube batao jo rotate karte hain or color match karte hain
me – 2-3 seconds socha, par mujhe koi idea hi nahi tha, maine keh diya, sorry sir maine kabhi dhyan nahi deta, market me “cube” naam se hi mil jaata hai, isliye kabhi dhyan nahi diya
m1 – ok, watching comedy serial, kaun sa comedy serial dekhte ho aap
me – taarak mehta ka ooltah chashma on sabtv
iss baar sabke face pe smile aa gayi, or wo serious m2 bhi smile kiya
m1 – varun, we have done, thanku, have a gud time
me – thanku sir, gud eve to all
———————————–
no question on current affairs, no question on gk and my home city, no question from my post preference

Cick here to Attempt Free Weekly Live Mocks for SSC CHSL 2017/CGL2018

Leave a Reply