SSC CGL 2014 Interview Experience Part 37

Hello Friends,

We are sharing with you interview experience of Dhirendra Kr Verma

Educational Qualification: Bachelor of Arts with Modern History and Public Administration.
Work Experience: FCI and Income Tax

Social Work: Blood Donation
Extra Curricular : 15days Online Certificate Course on RTI. (abhi 9 to 23 june 2015 ka)
Reporting Time 11AM.
Luknow24.06.2015
Batch 5
Preference: (Eight Posts) ITI, EXCISE, DA, EXAMINER, PO, AEO, ASSISTANT OTHERS, NARCOTICS.
Last candidate for interview.
Four member 3 male 1Female.
Bell baji. Me: May i come in sir.
C: Come come.
Me: beech me jake khada ho gya phir. Namaste Ma’am. Namaste Sirs.
C: App income tax me job kar rhe ho? Kab se kar rhe ho? Isse pahele kahan ki job?
Me: Ji sir pichle ek saal se hu. Isse pahele Bharteey Khadya Nigam me tha.
C: Income Tax me ek naya concept aaya hai MAT ye kya hai.
Me: sir ye Minimum alternative Tax hai jo ek company ki Income pe lagta hai.
C: Companies ko vaise bhi tax dena padta hai. Iski kya jarurat thi naya concept?
Me: Sir kuch companies jo Exemption ke bad Tax ke dayare me nahi aati hai ye tax un companies pe lagaya jata hai.
C: Ok. Ye kaise calculate hota hai. Aata hai aapko?
Me: Sir sorry mujhe nahi aata hai.
C: Ap Village se aaye ho. Is samay kishaan bahut aatmhatya kar rhe hai. Aisa kyu hai?
Me: Ji sir mere papa bhi kishaan hai. (C: accha kishan hai. Good.) aur sir jaise mere yaha iss time sugerkane ki kheti hui aur mills ko suppy kar diya gaya kintu abhi tak kishano ko uska bhugtan nahi mila hai. Ab sir agar kishan ke par other source of income ni ho to uske paas ek hi rasta bchta hai sir.. Suicide.
C: Ok aur kya samashya hai?
Me: Sir aur Kheti anishchit rain par depend hai.. sir abhi wheat ki fasal hui us samay anishchit varsha ke karan fasal barbad ho gayi.
C: Aur batao?
M: Sir Irrigation ki problem hai. Electricity ki problem hai jiske karan samay par sinchayii nahi ho pati jisse fasal barbad ho jati hai. Farmer apne Bank loan ki instalment nahi chuka paata.
C: Modern History padhe ho. Kahan se kahan tak ? From which year?
Me: (Thinking) Sir 1191 se….. ji sir 1206 se jab Gulam Dynasty ki sthapna hui thi.
C: aur kahan tak:
Me: Sir 1947 tak. Aur sir world history bhi thi issme( Intentionally i said it)
C: Accha world history. Ye batao do world war lade gaye hai. Jo second World War tha usske kya karan rhe?
Me: Sir Europe me Nazivad aur Fasivad ka udaya, League of Nations ki asfalta kyuki sir isse Germany aur Itly bahar nikal gaye the.
C: 1st World War ke baad ek France me treaty hui thi. Ek city ke naam pe hi hai vo treaty. Kya hai vo.?
Me: Sir, Varsaya ki sandhi.
C: Good! Accha ye batao ye treaty kya second WW ka reason nahi rhi.
Me: Yes sir. Ye bhi ek kaaran tha.
C: Ok. Accha ye batao League of Nations ko pratisthapit karne wali sanstha kaun hai?
Me: Sir United Nations Organizations.
C: Good. Ok. Dusre member ki taraf dete hue..
M1: Gaon se ho tumne bataya. Ye batao e-chaupal kya hoti hai?
Me: (thinking for a second) Sir maaf kijiyega mujhe nahi pata.
M1: Maaf to tumhe kar dunga 2009 me graduation kiya hai. Job bhi kar rahe ho. (Sab log hansne lage.) Koi baat nahi. Ye batao Good Governance ke components kya hote hai. Aapne issme likha hai koi course kiya hai (mene online RTI certificate course kiya hai jo DoPT and CGG ne mil kar launch kiya hai) kya hota hai Good Governance?
Me: Sir Janta ki iccha ke anushaar shashan ka sanchalan karna good Governance hai. (Aage bolne ja rha tha Interrupted).
M1: hn good governacne to thik hai sara kam janta ki bhalayi ke liye hi karte hai log. Components kya hai isske batao?
Me: Sir components me Rule of Law,
M1: Rule of Law kya hai?
Me: sir iska matlab hai sabhi log kanoon ke samaksh smaan hai.
M: ok ok ye batao constitution me isska ullekh hai? Kis Art me hai?
Me: thoda sonchte hue. Sir Art 15.(Art 14 hai right Ans.)
M1: Wrong. Padhna jake ok. Aur components batao Good Governance ke?
Me: Ji sir Transparency, Accountability……… (yad hi na aa rhe the aur)
M1: Accha ek aur bata do phir nahi punchunga. Tm pahele aaye ho jisne Publich Administration se Graduation kiya vo bhi Lucknow University se.
Me: Sir world bank ne to 8 components bataye hai but sir mujhe bilkul yaad nahi aa rha abhi.
M1: Bhai ye topic jo hai bahut important hai padhna jake isko. Kumkum madam( ye hi to HoD thi wink emoticon ab yaad aaya) ne is par research ki hai… blab la…
Me: Ji sir bilkul.
Ma’am: Apne bood donate kiya hai. Bood group to aapko pata honge, kya hote hai ye?
Me: ji Ma’am. Karl Landsteener ne blood ki RBC pe ek vishesh prakar ki protein ki khoj ki jiske liye unhe Nobel Prize diya gaya. Ma’am iss protein ko unhone Antigen ka naam diya. Isske aadhar par Blood ko 4 Groups me divide kiya – A, B, AB and O.
Ma’am: Ok. Ye Rh factor kya hota hai?
Me: Landsteener ne hi ek Risshus name ke monkey ke blood me ek aur vishesh prakar ki protein ki khoj ki. Jin people ke blood me ye payi jati hai use Rh+ aur jinme nahi unke blood ko Rh- kahete hai. Blood transfusion ke time isska vishesh dyan rakha jata hai ma’am.
Ma’am: Accha ek aur cheej hoti hai Universal donor aur Universal Accepter. Ye kaun se Group hote hai?
Me: ji O- Universal Donor hai aur AB+ Universal accepter hai ji.
(Bas Ma’am to fully satisfied. Good bol hi diya)
M2: Aapne likha hai hobby me Social Work ye kya hota hai?
Me: Sir mere hisab se kisi jarutmand ki bina koi bhugtan ke help kar dena Social Work hai.
M2: (He was a young professor, mujhe lag rha social work ke hi the) Accha! Tumne dekha hoga Lucknow university me Social Work Department hai. Tmhare hisaab se to vahan pe jo hai vo sb free me hi kaam karte honge.
Me: (Sb meri taraf dekh rhe the) with smile. Sir mera matlab ye nahi tha.
M2: Ni. Tumhare hisaab se to yahi hoga. Koi ni jo aap bata rhe ho use Social Service kahete hai.
Me: Thank you sir.
M2: Accha Good Governance day kab manaya jata hai.
Me: mujhe yaad hi nahi aa rha thodi der chup rhene ke baad. Sir mujhe yaad nahi aa rha.
M1: hint deta hu. Atal Bihari ka B’day hai.
M2: Are winter shuru hoti hai tab hota hai. Ab to batao.
Me: Maafi chahta hu sir. Abhi modi ji ne hi shuru kiya but Mujhe bilkul yaad nahi aa rha.
C: Laughing. Koi nahi. Accha aap ja sakte hai.
Me: dhanyavad sir. Namaste sirs. Namaste Madam.
On my way to door (Peeche se Good Governance me jinne der tak pareshaan kiya) Good Bless you beta. Me: mud ke thank you sir. Madam dekh rahi thi. wink emoticon
Dekho kya milta hai.

Leave a Reply